Рекомендованные курсы

Grafik Dizayn – oddiy qilib aytganda bu obraz, shakl, rasm, shrift, rang orqali g‘oyalarni, ma’nolarni va qadriyatlarni ifodalash

Grafik Dizayn – vizual aloqa vositasidir, taktil emas, verbal emas aynan vizual. Vizual kommunikatsiyaning asosiy ko’rinishi bosma yoki digital statik maket.

Kurs davomiyligi 4 oy boʻlib, unda siz:

- Rang, kompozitsiya va shriftlar bilan ishlash;

- Illyustratsiya, kollajlar va plakatlar yaratish;

- Logo dizayn, brend vizual aydentikasini ishlab chiqish;

- Poligrafiya asoslari, packaging;

- Fotosuratlarni qayta ishlash;

- Figma dasturi yordamida foydalanuvchi interfeysi dizayni va veb-dizayn yaratish kabi aktual bilimlarni oʻrganasiz.

Kursda olingan koʻnikmalar tufayli siz, osongina brendbook, vektor va rastr rasmlar, har qanday poligrafik mahsulotlar dizayni va boshqa shu turdagi dizaynlarni yaratishni o’rganasiz.

Kursni tugatganingizdan soʻng, siz xususiy kompaniyalarning reklama, matbuot va media boʻlimlarida ishlashingiz yoki frilanser sifatida turli buyurtmalar olib daromad topishingiz mumkin bo’ladi.

Interyer dizayn — insonlar uchun qulay va estetik jihatdan yoqimli taʼsirni taʼminlash maqsadida, binolarning ichki muhitini yaratishga asoslangan dizayn sohasi.

Interyer dizaynerlar kompyuter grafikasi yordamida inshootlar ichki muhitini ya’ni interyerini ishlab chiqishadi.

Kurs davomiyligi 3 oy boʻlib, unda siz:

- AutoCAD, 3ds Max va Corona Renderer dasturlarida ishlash;

- Loyihalarning 3D vizualizatsiyasini tayyorlash;

- Interyer dizayn chizmalarini chizish;

- Modellashtirish, teksturalash, vizualizatsiya;

- Interyerda ranglar psixologiyasi;

- Mijozlar bilan ishlash kabi aktual bilimlarni oʻrganasiz.

Interyer dizayn kursida siz nafaqat dizayn koʻnikmalarini oʻrganasiz, balki sanoat qanday ishlashini, ish qidirish va mijozlar bilan munosabat oʻrnatishdagi maslahatlarga ham ega boʻlasiz.

Shuningdek, kurs davomida biz siz uchun qurilayotgan turli obyektlarga ekskursiyalarni tashkil qilamiz, buning yordamida siz oʻzingizning loyihalaringizni qanday hayotga tatbiq etilishini tasavvur qilishingiz mumkin boʻladi.

Video - bu diqqatni jalb qilish, ma'lumotni yetkazish va lahzalarni aks ettirishning eng samarali usulidir.

Ijtimoiy tarmoqlarda kuniga, balki soatiga turli videolar trendga chiqadi. Ularning koʻpchiligi oddiygina telefonda su'ratga olingan va montaj qilingan videolardir.

Siz ham professionallar kabi videomontaj qilishni oʻrganib, videokontentlar yaratishni istasangiz, unda “Videomontaj” kursimiz sizga mos keladi.

Kurs davomiyligi 1 oy boʻlib, unda siz:

— Turli xil murakkablikdagi videolarni montaj qilish;

— Ovoz, ranglar va effektlar bilan ishlash;

— Vizual effektlardan foydalanish;

— Video ishlab chiqarish bosqichlarini rejalashtirish va shu kabi sohaning muhim koʻnikmalariga ega boʻlasiz.

Moushn dizayn – bu grafik dizayn tamoyillari bilan bogʻliq boʻlgan animatsion grafikalarni yaratish jarayoni.

Kurs oxirida siz reklamalar, kino, video oʻyinlar, YouTube kanallar va boshqa media sohalari uchun moushn grafikalar yaratish imkoniyatiga ega boʻlasiz.

Kurs davomiyligi 3 oy boʻlib, unda siz:

- 2D, 3D grafikalari, CG va VFX asoslari;

- Shakllarning animatsiya asoslari;

- Modellashtirish asoslari;

- Ranglar va kompozitsiyalar bilan ishlash;

- Yoritish va kameralarni joylashtirish;

- Materiallarga tekstura berish kabi aktual bilimlarni oʻrganasiz.

3D elementlar va qahramonlarni harakatlantirish 3D animatsiya yoʻnalishida oʻrgatiladi. Uni harakatga keltiradigan inson esa 3D animator hisoblanadi.

Qahramonlarning harakatda oʻzini qanday tutishi, quvonchli yoki qaygʻuli vaqtda oʻzida qanday xarakter koʻrsatishi, aynan uning animatsiyasiga bogʻliq boʻladi.

Kurs davomiyligi 3 oy boʻlib, unda siz:

- 3D qahramonni oʻylab topish va uning modeli yasash;

- Qahramonni teksturing, rigging va animatsiya qilish;

- Animatsiyaning 12ta asosiy prinsiplari;

- Tananing turli murakkab mexanikalarini harakatlantirish animatsiyasi;

- Tayyor materiallarni render, kompozing qilish;

- Yakuniy natijaga erishish uchun videomontaj qilish kabi aktual bilimlarni oʻrganasiz.

Umumiy qilib aytganda, endilikda, oʻquvchilar kursni bitirib noldan qisqa metrajli 3d animatsion filmlar yarata oladi.

3D Generalist — bu 3D grafikasining barcha yoʻnalishlarida ishlay oladigan, ushbu sohada keng koʻlamli bilim va yuqori koʻnikmalarga ega universal mutaxassis hisoblanadi.

3D grafikasida oʻzgacha muhitlar yasash, modellarni animatsiyalash, ranglarni sozlash, tekstura va yorugʻlik bilan ishlash hamda ularni umumiy 3D sahnaga joylashtirish ishlarini 3D Generalistlar amalga oshiradi.

Hozirgi kunda bu mutaxassislarga talab katta, chunki ular bir vaqtning oʻzida jamoadagi istalgan odamning oʻrnida ishlashlari mumkin.

Kurs davomiyligi 3 oy boʻlib, unda siz:

— Modeling, texturing, shading;

— Animation, simulation, rigging;

— Rendering, compositing

va shu kabi koʻplab boshqa yoʻnalishlarning asoslarini oʻrganib chiqasiz.

Revit — MDH davlatlarida arxitektura va konstruktiv loyihalarni modellashtirish uchun mashhur dastur hisoblanadi.

Autodesk Revit sizga yuqori aniqlikdagi 3D modellashtirish va 2D elementlarning chizmalarini chizishga imkon beradi.

Revitda yaratilgan loyihaning ma'lumotlar bazasi qurilish loyihasida ishlash uchun ajralmas vositaga aylanadi.

Arxitektura Revit kursimiz arxitektor, muhandis va quruvchilar hamda arxitektura sohasiga qiziquvchilar uchun mos keladi.

Kurs davomiyligi 3 oy boʻlib, unda siz:

— Autodesk Revit, Lumion, Davinci dasturlarida ishlash koʻnikmalarini;

— 3D modellashtirish asoslari va 2D elementlarning chizmalarini yaratish;

— Arxitektura loyihalarini tayyorlash va ishning istalgan bosqichida hisob-kitoblarni yuritishni oʻrganishingiz mumkin.